اسلام آباد/دینہ ۔6اپریل(اے پی پی) وزیر مملکت ریلوے بلال اظہر کیانی آکھیے عید دے بعد وزیراعظم محمد شہباز شریف پوری قوم کوں بجلی دیاں قیمتاں گھٹ تھیوݨ دی خوشخبری سݨائی، مسلم لیگ (ن)دے قائد محمد نواز شریف دی قیادت اچ وزیراعظم بجلی دیاں قیمتاں گھٹ کرݨ کوں ممکن بݨائے جیں دا ہر پاکستانی ??وں فیدہ تھیسی ، مسلم لیگ (ن) اپݨا وعدہ پورا کیتے، ھک سال اچ نہ صرف بجلی دی قیمت گھٹائی بلکہ پٹرول دی قیمت وی گھٹائی ، مہانگ تے قابو پاتے قومی معیشت کوں سنبھالا ݙتے ، جون 2024 دے مقابلے اچ بجلی دیاں قیمتاں مزید گھٹاوں دا فیصلہ کیا ڳئے ، آندے ٻلاں اچ ساریں دا فیدہ تھیسی ، بجلی دی قیمت گھٹ تھیوݨ پاروں عام صارف ، زرعی اتے صنعتی صارفین کوں وی فیدہ تھیسی اے کمی پائیدار بنیاداں تے ممکن بݨائی ڳئی اے، اوکھے معاشی حالات دے باوجود ساݙی حکومت قیمتاں گھٹ کرݨ کوں ممکن بݨائے ۔ قومی ترقی، مہانگ تے قابو پاوݨ تے معاشی استحکام اتے عوام کوں ریلیف دا سفر جاری رہسی ، محاصل اچ ودھارے سانڳے ??قد??مات کیتے ویندے پئن سارے معاشی اشاریں اچ بہتری آئی اے ، نعریں دی بجائے عملی سیاست تے یقین رکھیندوں۔ اے ڳالھ وزیر مملکت ریلوے بلال اظہر کیانی دینہ اچ عوامی اجتماع توں خطاب کریندے آکھیے ، انہاں آکھیے قومی معیشت دا پھیتا چلاوݨ اچ بجلی دی قیمت اچ کمی دا اہم کردار ہوسی ایندا اثر تساکوں آندے مہیںیں اچ نظر آسی ۔ مہانگے معاہدے تے ݙوجھی نظر پاتی ڳئی تے جیڑھے کارخانے بجلی نہ بݨیندے پئے ہن انہاں کوں بند کیتا ڳئے تاں جو عوام دے پیسے بچن تے اے بچت عوام کوں بجلی دی قیمت گھٹ کرتے واپس کیتی ونڄ سڳے ۔ اساں صرف وعدے تے اعلانات دی سیاست نی ??ریندے بلکہ عملی ??قد??مات دے ذریعے کر تے ݙکھیندوں ، سستی شہرت دی کوئی بنیاد نی ہوندی ۔ ماضی اچ حکومت قومی معیشت کوں ڈیفالٹ آلے پاسے گھن ڳیاں لیکن ساݙی حکومت نہ صرف ڈیفالٹ توں بچائے بلکہ ترقی دے رستے وی ٹوری ۔ معیشت دی بہتری دا سفر جاری رہسی کیوں وزیراعظم شہباز شریف آکھیے اساں مزید ریلیف سانڳے وی کم کریندے رہسوں۔
.jpg)
.jpg)
.jpg)
