اسلام آباد۔21ستمبر (اے پی پی):گزریل چووی گھنٹے اچ کورونا وائرس پاروں پنجاب دے بعد سندھ اچ ساریں توں ودھ اموات ریکارڈ کیتیاں ڳئن ۔ پورے ملک اچ گزریل چووی گھنٹے اچ کورونا وائرس توں 81 اموات تھئن جنہاں اچوں 29 اموات وینٹیلیٹرز تے موجود مریضاں دیاں تھئن ۔نیشنل کمانڈ اینڈ آپریشن سینٹر دی طرفوں اعدادو شمار موجب گزریل 24 گھنٹوں دے دوران پورے ملک اچ 1 ہزار 897 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹر تے کووڈ۔ 19 دے مریضاں دے تناسب دے لحاظ ںال بہاولپوراچ 40 فیصد,لاہور اچ 64 فیصد،ملتان اچ 86 فیصد اتے سرگودھا اچ 60 فیصد مریض ہن۔،گزریل چووی گھنٹے اچ کووڈ۔19 دے 46 ہزار 231 ٹیسٹ کیتے ڳئن ملک اچ کووڈ۔19 دے ایکٹو کیسز دی تعداد 62 ہزار 922 اے۔
