کراچی۔11مارچ (اے پی پی) احساس پروگرام دے تحت افراد باہم معذوری سودھے معاشرے دے سارے کمزور طبقے کوں قومی دھارے اچ رلاوݨ دی لوڑھ تے زور ڈیندیں ہوئیں آکھیا جو ایندے بغیر ترقی دے مقاصد نی مل سڳدے، مسئلے دے حل سانڳے بہتر منصوبہ بندی ساںڳے درست اعدادوشمار ہووݨ ضروری اے، ایں بارے احساس پروگرام دے تحت افراد باہم معذوری دا سروے کیتا ویندا پئے۔ کمزور طبقے دا تحفظ اتے بہبود اڄوکی حکومت دی پہلی ترجیح اے۔اے ڳالھیں انہاں خمیس کوں پرعزم افراد بارے کانفرنس اتے ورچوئل نمائش دے شرکاء نال خطاب کریندیں ہوئیں آکھی۔ صدرمملکت آکھیا جو معاشرے دے کمزور اتے محروم طبقے دے حقوق کوں اجاگر کرݨ دے نال نال انہاں دے تحفظ سانڳے دی اقدامات کیتے ویندے پئن۔ ایں بارے ایوان صدر اچ تریمتیں،خصوصی لوک، اتے تھیلیسیمیا دے مریضاں دے نال مختلف اوقات اچ نشستاں دا اہتمام کیتا ڳئے۔ اس موقع تے صدر مملکت تریمتیں اتے افراد باہم معذوری دے حقوق سانڳے مہم دی قیادت کرم تے بیگم ثمینہ عارف علوی کوں خراج تحسین پیش کیتا۔
.jpg)
